又開學啦！

noreply@blogspirit.com (Mak LISA) — Tue, 30 Jan 2007 03:50:00 +0100

又開學啦！雖然院校定29日才開學, 但學系己於26號上英文課, 27-28全日上工作坊, 29日上lecture, 真係, 一連四日, 到返工差唔多, 所以忍唔住今日上午OTL, 雖然OFFICE有一大堆工作積壓多時, 日日都驚老細幾到要我交貨...

這幾天思潮翻覆, 睡得不太好, 總感到身邊支持自己的人很少, 有一種獨力難支的感覺, 過去現時都要一個人面對, 很疲累. 唉!

都幾鍾意平日放假的時間, 清清靜靜, 無人理.

今日個天有d太陽, 有d藍天, 幾安詳, 幾平和, 希望自己的心情都可以咁樣.

有時返工返到令我直頭覺得好厭煩, touch wood 講句, 想病左, 有"理由"請假, 不過, 理性d去唸, 你今天唔返, d工作米又係等你去做, 最後辛苦個果都係自己.

探日打電話俾個舊同事, 佢話我好講野好似"飽歷滄桑"咁, 唉, 我心唸, 近年做咩事都無咩滿足感, 開始懷疑自己的能力, 真係幾傷自尊, 所以, 無曬心機, 無曬工作熱誠咁, 一味係為工作而工作, 真係令人覺得好疲.

過多一個鐘, 又要返工, 鬼叫你窮, 惟有努力工作啦!

柬埔寨之旅

noreply@blogspirit.com (Mak LISA) — Thu, 11 Jan 2007 04:30:00 +0100

很久沒放過一個長假了，選擇去旅行的地點是柬埔寨，想去熱的地方，因怕凍，想睇世界遺產，吳哥窟．今次，沒有一如以往的loneplanet，怕危險，所以是十幾年以來再一次參加旅行團．

昨天座晚機回港，晚上11時50分抵港, 機場快線出到市區己經12時45分, 所以最後都要1時許才回家中, 簡單執拾行李, 洗過澡, 醒來, 模糊間, 感覺還像是住在酒店一樣, 聽到外間的氣車聲, 響按聲, 彷彿靈魂仍留在那裏, 很久沒有去過一處地方令我有那麼多的感覺彌漫著.

行程有兩點, 一是金邊首都, 二是暹粒, 每地有一名導遊, 一個叫阿ken, 一個叫阿易. 兩個都是第三代華僑, 兩個都經歷了柬埔寨的內戰, 大家都受過赤柬的苦, 75-79年, 3年零20日, 他們還是小孩時, 都做過赤柬-紅色高棉klmer, 或者我們香港人會明白的說法- 解放軍. 他們說當時只要是肥人或戴眼鏡的人都有罪, 走難時本來戴著錢財離開, 但貨幣變廢紙, 黃金又是財富, 又死. 全部人民家散失所, 被趕到森林, 鄉郊, 做農民, 二十個人一日分得一個奶粉罐大小的米, 病的不好, 只有生葬, 軍隊又要加緊種米以換取軍火, 產量不夠, 惟有農民食少些, 有人食難產的嬰兒, 被虐的"犯人"...... S21集中營由一所中學改建成監獄, 內裏亦陳列著刑具及虐待的相片, 相片中的人, 一個個空洞的眼眶, 無靈魂, 無生命. killing field離市區13公里, 一個亂葬崗, 我們踏著的每一塊土壤, 都隱約見到塵土蔽蓋下的白骨, 一個一個的土塚, 陽光照燿著, 無風, 老樹依舊, 三十年, 又再多少個年頭, 可以隨年月, 帶走, 所有......

每次, 見到宏偉的文化古蹟被人破壞, 都很心痛, 吳哥窟, 一個迄立近一千年的古神廟, 近一百年才被後世重新發現及保護, 再加上戰亂年年, 很多瑰麗的寶石金銀裝置, 都被拆掉變賣了, 更甚的, 有些精緻的石刻及雕像, 亦被人搬走, 當然, 很多時, 亦因為歲月的洗禮, 而失去昔日的光彩. 但, 它, 依然美, 因為它的宏大, 只要你留心每個細緻, 走完整個廟宇, 回到大門口, 用你的想像力將它們"修複", 合上眼, 伸呼吸, 再張開眼睛, 你可以見到一個令你嘆為觀止的畫面, 又再一次重現眼前.

在落日影照下的小吳哥, 很漂亮!

現在柬埔寨很多旅遊景點都引入外資作為管理, 我想是因為本地人及政府本身並無有關的專門人才去做好, 尤其關係到文物的維修及保養, 實在不簡單. 不過導遊亦提到, 外資引入無疑帶動地方的經濟, 改善人民的生活, 但專門的工作均是由"外勞"幹, 本地人只是個最簡單的工作, 舉例, 如水泥工, 砌屋混水土的工序由越南外勞個, 本地工只是擔水抬泥, 永遠無機會學習當中的"工夫", 前者每月100至150美金一個月, 後者得幾十美金, 生活只夠糊口, 現時柬埔寨人的每人每月的收入都只是幾十至一百多元美金, 導遊說, 老師亦只得125元美金一個月, 但一份早餐, 一個麵包, 夾著碎肉, 加茶, 要接近1美金, 所以很多人都要做賺職, 又因為柬埔寨無工業, 只是不停輸出原材料, 加工工序由秦團越南等地承包, 再進口回本地售賣, 這麼一回, 變相"俾錢人賺自己人錢", 所以柬埔寨變相成為"聯合國" 殖民地.

另一個令人關注的問題就是自然生態, 因為柬埔寨的木材很好, 所以經濟起飛, 成為木材的輸出國, 本來全國7成的樹林, 現變成只得2成, 很驚人! 在飛機上望下去, 盡是沙土, 只怕大量的砍伐樹木, 令水土流失, 令原來的天然資源, 毁於一旦, 製造新的社會問題.

我近年有一種感覺, 就是社會發展太急太快了, 對環境造成很大的破壞, 不經不覺之間, 地球郤追不上呢. 我們城市人就更加要去推動環保, 身體力行!

尋靜

noreply@blogspirit.com (Mak LISA) — Fri, 31 Mar 2006 18:45:03 +0200

尋靜

尋世間一塊靜土,

讓我自由安躺

讓我思絮飛馳

讓我活靈活現

讓罪惡沈澱

讓混沌化整

仙靈現

地上長出了嫩芽

花開滿天

那裏的光景

似曾相見

閒思‧妄想 - blog

又開學啦！

柬埔寨之旅

尋靜