11/11/2006
悲劇
從來都無想過悲劇可以那麼接近的．
今天要往柴灣返工，所以比平日已早了出門，未出大厦，但見門外有一大群拿著專業攝影機的人, 甫見有人走出大厦,即搏前來, 原以為有新人結婚, 到再走近門口, 見到攝影機有傳媒logo, 門外更停泊了數輛警車及救護車, 就有不祥的感覺, 門口原己站著三名看更, 一名白色制服的顯然是隊長的見住客出門, 即拉開大門, 其餘的則站於門外, 把守著不給外人進入, 大家都進入了緊張狀態. 我忍不住問白色制服的看更發出了什麼事, 他沒有平日的笑容, 郤又木無表情, 低著頭, 壓低聲線, 說了幾個我聽不到的字, 我因為趕時間亦再無追問, 就踏步離開大厦了.
想不到下午6時許回家時, 仍有記者在大厦外守候, 更知不妙, 回到家中, 問家人, 始知樓下的單位發生滅門悲劇, 不幸的可以是那麼近.
以前, 很小很小的時候, 在我印象裏, 就算家家戶戶有幾多吵鬧, 子女不聽教, 夫妻不和順, 又打又鬧, 都盡少到死, 到殺. 現在, 很多時, 人很脆弱, 關係好表面, 感情交纏, 人好易痴線. 報紙雜誌電視電台電影....全部都以挑起你的神經線, 去的極至: 夠淫夠殘夠姣夠八夠衰夠慘夠可撛!
什麼時候, 都市人可以懂得靜下來, 感受當下? 啊! 我原來有重量, 心在跳, 在呼吸, 我還是活生生的, 告訴自己, 只要我還活著, 我還可以...
唉......有時, 求不得, 就想來個解決, 想有自動權, 想去控制, 但做的方法行不通, 不識點變, 再一次失敗, 又一次失敗...你嬲別人, 更嬲你自己, 抑鬱或是揭欺底里, 自殺或是他殺.
可以找個清靜地, 不去求, 不去想, 可能? 或者? 會有出路呢.
15:20 永久網址 | 留言 (0) | Email this
10/11/2006
台慶
今天因為要上在職訓練，所以難得地準時放工，雖然明天要返工，不過都好有holiday mood，思想掙扎一會，都是在旺角站落車，逛下街，不過行了很久，掃了很多舖頭，都無收獲，回家到附近的餅點買了切餅享用，滿足一下購物的心魔．哈．
入屋第一件事就睇電視，今晚是萬千星輝頒獎禮，娛樂新聞炒作誰能爭奪最佳女主角的寶座，所以我都心癢癢想知下．
電視製作人永遠都是贏家，由劇集播出開始宣傳，創造煲水新聞，製造話題，到頒獎禮，埋拼出人意表的結局，等電視旁邊既你睇住ｄ藝人如何surprise，如何「真情流露」，又是一齬最佳電視電影的真人騷，觀眾係電視旁又話賽果如何如何，廣大市民原來都是同一屋簷下，幾香港．尤記得以前住在屋村既時候，冷氣唔係個個有，夏天，家家戶戶總愛打開門口，隔離呀陳太打仔，細Ｄ唔做功課罰企街，你都可以「不出家門而知天下事」，睇電視更加有環迴立體聲，所有鄰居都好似現場觀眾，Ｄ綜藝節目有咩gag位, 你可以感受到成村人同你一齊笑, 好不熱鬧. 回想起來, 挻有趣的.
無線39年, 台慶, 好有香港feel的節日, 雖然, 我己經不再覺得它有過去的吸引力, 但就好似個傳統節日咁, 對佢有感情, 都係要去揍下熱鬧咁, oh, 多謝daniel, 多謝珍姐, 多謝易小姐, 衷心多謝tvb!!!
17:30 永久網址 | 留言 (0) | Email this
05/11/2006
白日夢
最近有研究話: 發白夢可以減壓, 我就點曬頭同意!
老板無理時, 就發夢令大老細知道她的惡行, 讓她從此消失.
工作苦悶, 就發夢中六合彩, 辭工, 開舖做老板, 賣樓, 去旅行.
愛情失意, 就發夢遇上白馬王子.
面色不佳, 就發夢變擁有林志玲身材, 永遠於人前都充滿自信, 引來艷羨目光.
與家人吵架, 就發夢他們都移民去了, 不經常見面, 變得珍惜相處時光...
發夢時, 多麼的真實和美好呢! 雖然只有變分鐘, 不過真的快樂過呢!
現在, 減壓的方法之一就是睇keroro, 貪佢夠底死, 睇完, 笑餐飽, 個mood都high翻!
14:25 永久網址 | 留言 (0) | Email this
去向
日日做到無停手！
唉！生活有時真的會感到很沒趣 。男朋友問, 為何很少說話?我抬起我疲倦的眼簾, 說因為太累了.
是的, 與朋友聚會,我發現自己愈來愈不想說話, 一是覺得自己的工作很乏味, 好像無甚藉得一提,與人分享, 也免得一開口盡是一些苦澀的說話, 影響氣氛, 朋友說到笑位, 有時自己都反應不過去, 開始感到自己有如木頭人, 感到有點恐怖. 回程時, 朋友說, 自己對工作感到厭倦, 其實最終影響服務對象, 語帶相關, 提醒自己要留意. 是的, 做我們社福界一行, 經常要拿著良好做事, 身心一致, 實非易事, 不竟, 我也是人嘛!
所以, 有點精神分裂.
在中心裏, 只要你一踏出辦公室, 你己鍛鍊到會自動掛起笑容, 變得健談, 向每位朋友打招乎, 但當你獨處時, 你又會變會木獨的人, 所有臉部肌肉向下沉.
我經常想向下走, 我可中途休息, 再作戰嗎?
14:07 永久網址 | 留言 (0) | Email this