15/01/2005
油條
老油條, 你會想起誰?
新入行, 躊躇滿志, 事事好奇, 貪新, 但勝在衝勁十足; 做得愈耐, 工作, 只是一個賺錢的途徑, 返工等放工, 有責任心的, 應酬好老細的要求, 不過不失, 妥妥當當, 聽聽話話, 保住個飯碗, 就算!
年過三十, 體力開始下降, 腦力開始耗盡, 事業停滯不前, 正一是升的早就升, 無得升的, 都認命了, 結埋婚, 生埋仔, 人生無求, 但求過得平安, 老細分工? 閃! 小做小錯! 但不做又不成, 好...老鬼怎顯身價呢? 教導下新入行的後生, 教漏些, 等他們做錯, 再幫手補鑊, 自然令細的知道尊卑不分的後果..., 萬一惹起他們的不滿..., 好, 老鬼老"朋友" 遍天下, 唱下你們後生, 在老細面前, 客仔面前講下事非, 都幾難翻身!
老油條的種類, 多不勝數, 以上的一類, 多是男性, 中年, 發福(表徵是肥腫難分), 己婚, 育有仔囡及黃面婆一個, 品味草根, 喜歡打機及漫畫.
本篇並無影射成份, 如有雷同, 實屬巧合.
口痕友可能會問, 女油條又如何?
女油條的情況比較特殊, 以個人觀察, 亦多是中年, 己婚, 育有仔囡, 通常, 都幸運地嫁到好男人, 叫"太太"還是"師奶", 則視乎個人的品味問題, 因此她們多數都是"唔休做", 喜歡講下兒女經, 名牌/超市價格, 討論教育制度, 永遠準時放工, 永無OT; 太太/師奶之氣量及胸襟, 相信大家都清楚, 不詳述, 所以後生亦非常尊重.
此文其實用意在於告誡自己, 我們都有人到中年的一日, 怎過怎待人, 都是睇自己.
05:56 永久網址 | 留言 (4) | Email this
留言
我地係咪已經有中年危機呢？開始覺得時間有限了...
發表人: calvin | 25/01/2005
i feel it is coming soon..
發表人: lisa | 30/01/2005
我完全明白, 這幾天我簡直失魂落魄, 想整停個鐘。
問題係,我仲未想做油條, 又或者說,我仲未做到....有時都好很吃虧。
發表人: learnedfriend | 30/01/2005
我都好努力想做後生..
發表人: lisa | 02/02/2005